"ბარსელონა" ახალი სეზონისთვის მზადებას ორშაბათს დაიწყებს

"ბარსელონას" ოფიციალური საიტის ცნობით, ორშაბათს, 13 ივლისს, კატალონიური კლუბი ახალი, 2015/16 სეზონისთვის მზადებას დაიწყებს. ამ დღეს 12 ფეხბურთელი სამედიცინო შემოწმებას გაივლის და ივარჯიშებს: სუარესი, რაფინია, დუგლასი, სერხი რობერტო, ადრიანო, ვერმალენი, მატიე, მასიპი, არდა, სანდრო, მუნირი, ჰალილოვიჩი.

ოთხშაბათს, გუნდს შეუერთდებიან ის ფეხბურთელები, რომლებმაც გასული სეზონის დასრულებისთანავე სანაკრებო შეხვედრებში ითამაშეს. ესენი არიან: პიკე, რაკიტიჩი, ბუსკეტსი, პედრო, ინიესტა, ბარტრა, ალბა, ალეიშ ვიდალი.

მესი, მასკერანო, ბრავო, ნეიმარი, ალვესი, რომლებმაც კოპა ამერიკაზე ითამაშეს და ევროპის U21 ჩემპიონატზე მონაწილე ტერ შტეგენი გუნდს მოგვიანებით დაუბრუნდებიან.