რაიოლა "ბარსას" არ ასვენებს

"მილანმა" იბრაგიმოვიჩი შეიძინა და ნათქვამია, მადა ჭამაში მოდისო. გალიანიმ და კამპანიამ ახლა უკვე თვალი "ბლაუგრანას" ბრაზილიელ მცველს, მაქსველს დაადგეს.

 თუ იტალიურ სპორტულ გამოცემებს დავუჯერებთ, მინო რაიოლასა და ადრიანო გალიანის შორის გამართულ სადილზე ლაპარაკი არა მხოლოდ იბრაგიმოვიჩის ტრანსფერზე შედგა. შვედის იტალიაში დაბრუნების შემდეგ, რაიოლა სხვა ფეხბურთელის "როსონერიში" გადაყვანაზე ალაპარაკდა. აგენტის განცხადებით, "მილანი" ბევრი ფეხბურთელით არის დაინტერესებული და ერთ-ერთი მათგანი მაქსველია. თუ გავითვალისწინებთ ამ ორ კლუბს შორის კარგ ურთიერთობას, ადვილი შესაძლებელია ბრაზილიელი მცველის ტრანსფერი განხორციელებადი იყოს.

წყარო: www.sport.es