ინიესტა: "პედროს გულშემატკივრების სიყვარული გარანტირებული აქვს"

"ბარსელონას" კაპიტანი ანდრეს ინიესტა აცხადებს, რომ კატალონიური კლუბის გულშემატკივრებს გუნდის ყოფილი ფეხბურთელი პედრო როდრიგესი ყოველთვის ეყვარებათ. ანდრესმა ეს განცხადება მას შემდეგ გააკეთა, რაც მას ჰკითხეს, თუ როგორ იმოქმედებდა გულშემატკივრებზე პედროს "რეალის" ყოფილ მთავარ მწვრთნელთან, ჟოზე მოურინიოსთან ერთად მუშაობა.

"მნიშვნელობა აქვს მხოლოდ პედროს პიროვნებას და იმ თამაშს, რომელსაც ის "ბარსელონაში" აჩვენებდა. მას გულშემატკივრების სიყვარული გარანტირებული აქვს იმის გამო, რაც მან კლუბისთვის გააკეთა.