მასკერანო მესის რჩევას აძლევს

კატალონიური Mundo Deportivo-ს ცნობით, "ბარსელონას" უნივერსალი ხავიერ მასკერანო თავის თანაგუნდელ ლიონელ მესის გამოჯანმრთელების დაჩქარებას არ ურჩევს.

მასკერანოს მესის მგავსი ტრავმა 2013 წელს ჰქონდა და მან კარგად იცის მისი დამახასიათებელი თვისებები. როგორც ცნობილია, თავად არგენტინელ ვარსკვლავსაც არ უნდა ჯანმრთელობის გარისკვა.

ამავე დროს, "ბარსელონას" ხელმძღვანელობას, სამწვრთნელო შტაბსა და გულშემატკივრებს დიდი იმედი აქვთ, რომ ლეო მესი მადრიდის "რეალთან" 21 ნოემბერს გასამართ მატჩში ითამაშებს.