ვორო: "ძალიან კმაყოფილები ვართ"

"ვალენსიას" დროებითი მწვრთნელი ვორო, "ბარსელონასთან" თამაშის (1:1) შემდეგ, კმაყოფილი ჩანდა. "ღამურების" დამრიგებლის თქმით, მის გუნდს რისკმა გაუმართლა.

"ძალიან კმაყოფილები ვართ. ისეთი შეხვედრა ჩავატარეთ, როგორიც უნდა ჩაგვეტარებინა. გულშემატკივრებს ვულოცავ. "ბარსელონას" წინააღმდეგ თამაში ძალიან ძნელია, მაგრამ ისე ვითამაშეთ, როგორც გვაწყობდა და სტადიონზე მოსულმა გულშემატკივრებმა ეს გაიგეს.

"ბარსელონას", პირველ ტაიმში, ბევრი მომენტი ჰქონდა. 2 შანსი გამოკვეთილად სახიფათო იყო. ჩვენ მოთმინებით ვთამაშობდით, ბოლო მომენტში გავრისკეთ და გოლით დავსაჩუქრდით."