ტიაგო: "მესიმ, სუარესმა და ნეიმარმა "ოქროს ბურთის" სამეულში მოხვედრა დაიმსახურეს"
"ბარსელონას" ყოფილი ნახევარმცველი, ამჟამად "ბაიერნში" მოთამაშე ტიაგო ალკანტარა მიიჩნევს, რომ "ოქროს ბურთის" სამეულში, კრიშტიანუ რონალდუს ნაცვლად, ლუის სუარესი უნდა იყოს.
"მესიმ, სუარესმა და ნეიმარმა "ოქროს ბურთის" სამეულში მოხვედრა დაიმსახურეს. ეს ტრიო ისეთივე შთამბეჭდავია, როგორც მესი-ჩავი-ინიესტა ან მესი-ანრი-ეტო'ო.
"ბარსელონას" ამჟამინდელი შემტევი ტრიო ისტორიაში ერთ-ერთ საუკეთესო ტრიოდ ქცევის გზას ადგას. ამას მათ მიერ კარიერის დასრულების შემდეგ შევაფასებთ.
რასისტული შეძახილები ნეიმარის მიმართ? ვწუხვარ, რომ ხალხი თამაშებზე სხვისთვის შეურაცხოფის მისაყენებლად კვლავ დადის. კანის ფერი არაფერს ნიშნავს, ჩვენ ყველანი ერთნაირები ვართ.
"ბარსელონაში" დაბრუნება? "ბაიერნში" თავს კარგად ვგრძნობ. ახალი კონტრაქტი ახლახანს გავაფორმე და აქ მრავალი წლის განმავლობაში დარჩენას ვაპირებ. ვნახოთ, რა მოხდება შემდეგ."
ტიაგო, რომელიც "ბარსელონას" სკოლის აღზრდილია, "ბარსელონას" პირველ გუნდში 2011-2013 წლებში გამოდიოდა, რის შემდეგაც ის "ბაიერნში" გადავიდა.
ამ სიახლეზე კომენტარები გათიშულია.
კომენტარები [ 26 ]