ჩავი: "პეპი, "ბარსელონაში" ყოფნის დროს, ინგლისში მუშაობაზე ოცნებობდა"
"ბარსელონას" ლეგენდა ჩავი ერნანდესი ასევე ლეგენდარულ ფეხბურთელსა და მწვრთნელზე, პეპ გვარდიოლაზე საუბრობს. მისი თქმით, გვარდილა, ჯერ კიდევ "ბარსელონაში" მუშაობის დროს, ინგლისური გუნდის გაწვრთნაზე ოცნებობდა.
"ვფიქრობ, საუბარი ზედმეტია იმაზე, მიაღწევს თუ არა პეპი ინგლისში წარმატებას. რა თქმა უნდა, ის წარმატებას ყველგან მიაღწევს.
მისი "ბაიერნისა" და "ბარსელონას" სათამაშო სტილი ცხადყოფს, რომ მისი საფეხბურთო ფილოსოფია გულშემატკივრებს მოსწონთ, მაგრამ პეპს გაცილებით მეტი შეუძლია.
არასდროს იდგა საკითხი, წავიდოდა თუ არა გვარდიოლა ინგლისში. კითხვა იყო მხოლოდ ის, თუ როდის მოხდებოდა ეს. "ბარსელონაში", ჩვენ პრემიერ ლიგაზე ხშირად ვმსჯელობდით და ინგლისურ გუნდებს, ფეხბურთელებსა და ჩემპიონატს ყოველთვის პატივისცემით ვეპყრობოდით.
ჯერ კიდევ "ბარსელონაში" ყოფნის დროს, პეპი ინგლისში მუშაობაზე ოცნებობდა."
შეგახსენებთ, რომ გვარდიოლამ "ბაიერნის" დატოვება გადაწყვიტა, რის მიზეზადაც მან ინგლისში მუშაობის სურვილი დაასახელა.
ამ სიახლეზე კომენტარები გათიშულია.
კომენტარები [ 12 ]