FIFA 17-ის გარეკანზე მესი შესაძლოა ხამეს როდრიგესმა ჩაანაცვლოს

კატალონიის "ბარსელონას" არგენტინელი ვარსკვლავი ლიონელ მესი, დიდი ალბათობით FIFA 17-ის გარეკანზე აღარ იქნება. ლეოს კონტრაქტი EA Sport-თან იწურება და სავარაუდოდ არ გახანგრძლივდება. იტყობინება, L’Equipe.

მესი პოპულარული კომპიუტერული თამაშის სახე 2013 წლიდან იყო და სხვა მოთამაშეებთან ერთად EA Sport-ის ვიდეორგოლებშიც რეგულარულად იღებდა მონაწილეობას. "ბარსელონას" კიდევ ერთი ვარსკვლავი ნეიმარი და მადრიდის "რეალის" პორტუგალიელი თავდამსხმელი კრიშტიანუ რონალდუ მსოფლიოში დიდი პოპულარულობით სარგებლობენ და უკვე აკავშირებთ კონტრაქტი KONAMI-სთან, რომელიც ყოველწლიურად კიდევ ერთ პოპულარულ სიმულატორს - Pro Evolution Soccer-ს უშვებს. ამ ყველაფრის გათვალისწინებით, ლიონელ მესის ყველაზე რეალურ შემცვლელად მადრიდის "რეალის" ნახევარმცველი ხამეს როდრიგესი მოისაზრება.