"უეფას" 2015 წლის გუნდში "ბარსელონას" 5 ფეხბურთელი მოხვდა

"უეფას" ოფიციალურმა ვებგვერდმა 2015 წლის საუკეთესო გუნდი გამოავლინა, სადაც "ბარსელონას" 5 მოთამაშე: მესი, ინიესტა, ალვესი, ნეიმარი და პიკე მოხვდა. როგორც იცით, საუკეთესოები საიტის მომხმარებლებმა 40 ფეხბურთელიდან აარჩიეს, სადაც "ბარსას" მოთამაშეები: ხავიერ მასკერანო, ლუის სუარესი და ივან რაკიტიჩიც შედიოდნენ.

"ბარსელონას" მოთამაშეებმა საერთო ხმების 23%–ი დააგროვეს. ხმების რაოდენობით პირველ ადგილზეა ლიონელ მესი 70%–ით, იგი "უეფას" წლის გუნდში მეშვიდედ: 2008, 2009, 2010, 2011, 2012 და 2014 წლებში მოხვდა. ხმების 63% მიიღო ანდრეს ინიესტამ, 45% დანი ალვესმა, 44% ნეიმარ ჟუნიორმა და 40% ჟერარდ პიკემ.

"უეფას" წლის გუნდში ასევე მოხვდნენ: მანუელ ნოიერი, დავიდ ალაბა ("ბაიერნი"), სერხიო რამოსი, ხამეს როდრიგესი, კრიშტიანუ რონალდუ ("რეალი") და პოლ პოგბა ("იუვენტუსი").