ოფიციალურად: მონტოია "ბეტისში" არენდით გადავიდა

ოფიციალური ინფორმაციით, "ბარსელონამ" და "ბეტისმა" მარჯვენა მცველის მარტინ მონტოიას ტრანსფერზე შეთანხმებას მიაღწიეს. სევილიურმა კლუბმა ესპანელი ფეხბურთელი მიმდინარე სეზონის ბოლომდე არენდით აიყვანა.

24 წლის მცველი ესპანეთში დაბრუნდა. მან "ინტარში", სადაც იჯარით იმყოფებოდა, მხოლოდ ნახევარი სეზონი გაატარა, მონაწილეობა მიიღო 3 მატჩში და თავი ვერაფრით გამოიჩინა.

"ბარსელონას" აღზრდილი მონტოია კატალონიელთა პირველ გუნდში 2010/11 წლების სეზონში დააწინაურეს. მან კატალონიურ კლუბში 3 სეზონი ჩაატარა და მონაწილეობა 66 თამაშში მიიღო. მონტოიას "ბარსასთან" ერთად მოგებული აქვს ესპანეთის ჩემპიონატი (3), ესპანეთის თასი (2), ესპანეთის სუპერ თასი და ჩემპიონთა ლიგა.

გავრცელებული ინფორმაციის თანახმად, "ბეტისი" "ბარსელონას" დაახლოებით 1 მილიონ ევროს გადაუხდის.