ნეიმარის წინააღმდეგ სასამართლო ბრაზილიაშიც გაიმართება
"ბარსელონას" ბრაზილიელი ვარსკვლავის, ნეიმარის წინააღმდეგ სასამართლო პროცესი მის სამშობლოშიც გაიმართება. ამ ინფორმაციას Goal ავრცელებს.
გუშინ, მადრიდში, ნეიმარის "სანტოსიდან" "ბარსელონაში" ტრანსფერთან დაკავშირებით, სასამართლო სხდომა ესპანეთის სასამართლოში გაიმართა, რომლის დროსაც ნეიმარი და მისი მამა დაიკითხნენ.
როგორც ირკვევა, ნეიმარის ტრანსფერით ბრაზილიის პროკურატურაც დაინტერესდა. ადგილობრივი სამართალდამცავი ორგანოების წარმომადგენლებმა დაადასტურეს, რომ მათ სასამართლოს რეკომენდაციით მიმართეს, საქმე შეისწავლოს. ნეიმარის გარდა, საქმეში მისი მამა, ასევე "ბარსელონას" ყოფილი და ამჟამინდელი პრეზიდენტები, სანდრო როსელი და ხოსეპ მარია ბართომეუც ფიგურირებენ.
"ბარსელონაში" ტრანსფერის გარდა, ნეიმარს, ბრაზილიელი სამართალდამცავები, სხვა საკითხშიც ედავებიან. საქმე ისაა, რომ 2006 წელს, საიმიჯო უფლებების გაყიდვის შედეგად მიღებული თანხიდან ნეიმარს 27.5% გადასახადის სახით უნდა გადაეხადა. თუმცა, მან ფული მამამისის საკუთრებაში მყოფი ფირმის ანგარიშზე გადარიცხა, რის შემდგაც, ბიუჯეტში გადასახდელი თანხა 12.53%-მდე შემცირდა.
ამ სიახლეზე კომენტარები გათიშულია.
კომენტარები [ 9 ]