ბუტრაგენიო: "რეალი" ბოლომდე იბრძოლებს"

მადრიდის "რეალის" დირექტორთა საბჭოს წარმომადგენელი ემილიო ბუტრაგენიო მიიჩნევს, რომ "ბარსელონასთან" 9-ქულიანი ჩამორჩენის მიუხედავად, მისი გუნდი ჩემპიონატის მოგების შანსს ინარჩუნებს.

"უარეს მდგომარეობაში ვართ, ვიდრე ამ ტურის წინ ვიყავით. თუმცა, წინ შიდა ჩემპიონატის არაერთი თამაშია. არასდროს ვნებდებით. შეუძლებელი არაფერია და ბოლომდე ვიბრძოლებთ."

"რეალი", გუშინ მალაგაში ქულების დაკარგვის შემდეგ, "ბარსელონას" 9 ქულით ჩამორჩება. წინ კიდევ 13 ტურია, მაგრამ პრიმერას ისტორიაში არასდროს მომხდარა, რომ ბოლო 13 ტურში გუნდს პირველ ადგილოსანთან 9 ქულა ამოექაჩოს.