"ბარსელონას ტრიოს" ანგარიშზე 100 გოლია

დღეს კატალონიის "ბარსელონა" "ეიბარს" დაუპირისპირდა და ანაგრიშით 0-4 დაამარცხა მეტოქე. ლეო მესის დუბლისა და ლუის სუარესის გოლის შემდეგ, "ბარსელონას" შემტევი ტრიოს ანგარიშზე მიმდინარე სეზონზე 100 გატანილი გოლია. აღსანიშნავია ისიც, რომ ტრავმის გამო ლეო მესის 2 თვე გაუცდა, მიუხედავად ამისა, არგენტინელ ფეხბურთელს 35 გოლი აქვს გატანილი.
ყველაზე მეტი გოლი ლუის სუარესის ანგარიშზეა. ურუგვაელ ფეხბურთელს "ბლაუგრანას" მაისურით 42 გოლი აქვს გატანილი და ოქროს ბუცის მოგების ერთ-ერთი კანდიდატია. რაც შეეხება ბრაზილიელ ფეხბურთელს, მიმდინარე სეზონში ნეიმარმა 23-ჯერ შეძლო მეტოქის კარის აღება.