ლუის ენრიკე: "გუნდი ყველა ასპექტში ძლიერი იყო"
ესპანეთის ჩემპიონატის 28-ე ტურში მოპოვებული გამარჯვების შემდეგ "ბარსელონას" მთავარი მწვრთნელი კომენტარს აკეთებს.
მოგეხსენებათ, კატალონიელებმა გუშინ სტუმრად "ეიბარი" გაანადგურეს და ლა ლიგის ცხრილში ლიდერობა განიმტკიცეს.
"გასულ ხუთშაბათს, "რაიო ვალიეკანოსთან" მატჩის შემდეგ მეგონა, რომ ფანტასტიკური თამაში ვაჩვენეთ, მაგრამ, ვფიქრობ, გუშინ უკეთესები ვიყავით. გუნდი ყველა ასპექტში ძლიერი იყო. ფეხბურთელებს ვუთხარი, რომ ისინი კიდევ უფრო უკეთ გამოიყურებიან", - ციტირებს ლუის ენრიკეს სიტყვებს AS.
"მწვერვალზე დიდი მუშაობის ფასად ვიმყოფებით. სულ მალე კრიტიკული პერიოდი გველის. ჩვენ სამი ტიტულისთვის ვიბრძვით. გუნდი საკუთარ ამბიციებს მხარს უჭერს".
"რაც შეეხება მუნირს, ის ძალიან კარგად გამოიყურებოდა. დიდი ხანია, მას არ უთამაშია. ადვილი არაა, მინდორზე გახვიდე და მაშინვე კარგი თამაში აჩვენო. მას დიდი მომავალი აქვს".
"მოვლენებს არ გავუსწრებ და არ ვიტყვი, რომ ლა ლიგის მოგება უკვე გარანტირებული გვაქვს. ჩემპიონობის დაკარგვის მათემატიკური შანსი არსებობს", - დაასრულა ესპანელმა სპეციალისტმა.
ამ სიახლეზე კომენტარები გათიშულია.
კომენტარები [ 12 ]