"ბარსელონა" "რომას" 18 წლის მცველით დაინტერესდა

ახალგაზრდა ნიგერიელმა ფეხბურთელმა კატალონიელთა ყურადღება მიიპყრო, იტყობინება La Gazzetta dello Sport.

როგორც ცნობილია, 18 წლის აბდულაჰი ნურა "რომას" შემადგენლობაში ერთ-ერთ ყველაზე პერსპექტიულ მოთამაშედ ითვლება. მასზე დიდ იმედებს ამყარებენ.

უკვე გარკვეული პერიოდია, რაც "ბარსელონას" ხელმძღვანელობა აკვირდება ნიგერიელ მცველს, რომელსაც ძალიან კარგი ფიზიკური მომზადება და შესანიშნავი მოძრაობები აქვს.

წყაროზე დაყრდნობით, "ბლაუგრანა" იტალიურ კლუბს ნურას სანაცვლოდ ათ მილიონ ევროს სთავაზობს.

აღსანიშნავია, რომ მიმდინარე სეზონში ნურას იტალიის ჩემპიონატში ერთი მატჩიც არ ჩაუტარებია.