დანი ალვეს შოუ: ბრაზილიელი სკამზე უბრალოდ ვერ ისვენებს

ესპანეთის ჩემპიონატის 29-ე ტურის მატჩში, სადაც "ბარსელონა" საკუთარ მოედანზე "ხეტაფეს" მასპინძლობდა, დანიელ ალვესი სასტარტო შემადგენლობაში ვერ მოხვდა, რაც სათადარიგოთა სკამზე მჯდომთა გამხიარულების მიზეზი გახდა.

მოგეხსენებათ, მომდევნო კვირას "ბარსას" უეფას ჩემპიონთა ლიგის 1/8 ფინალური ეტაპის განმეორებითი შეხვედრა ელის, რის გამოც გასულ ტურში ლუის ენრიკემ რამდენიმე ფეხბურთელისთვის დასვენების საშუალების მიცემა გადაწყვიტა. თუმცა, დანი ალვესი მთელი თამაშის განმავლობაში ერთი წუთითაც არ გაჩერებულა.

La Sexta's-ს სატელევიზიო კამერებმა მატჩის მიმდინარეობისას 32 წლის მცველის არაერთი ქმედება დააფიქსირა. ის პატარა ბავშვის ამპლუაში იმყოფებოდა. მის კარიერაში ეს ერთ-ერთი ყველაზე გამორჩეული ეპიზოდები იყო.

ალვესი ენერგიით სავსედ გამოიყურებოდა. მთელი თამაში მან თანაგუნდელებისა და სამწვრთნელო შტაბის წვალებაში გაატარა. დგებოდა, ჯდებოდა, ისევ დგებოდა, ყვიროდა, ხუმრობდა, ხალხს ურტყამდა და ა.შ.

"ბარსას" მეკარეების მწვრთნელი ხოსე რამონ დე ლა ფუენტე ალვესის ხუმრობების მთავარი ადრესატი იყო. მისი მელოტი თავი ბრაზილიელს მუდმივი გართობის საშუალებას აძლევდა. დანიმ თავისი კრეატიულობა ჩართო და დე ლა ფუენტეს რამდენჯერმე გაეხუმრა.

აღსანიშნავია, რომ ალვესის ქმედებები გადამდები აღმონჩდა. მან ლუის სუარესიც აიყოლია.

ვიდეოში, შეგიძლიათ, თავად ნახოთ ყველაფერი:

[media=https://www.youtube.com/watch?v=aFipcR5LP3Y]