ვერმალენი: "ადვილი თამაში არ იქნება"
ბელგიელი მცველი თავის ყოფილ გუნდთან მატჩამდე კომენტარს აკეთებს.
მოგეხსენებათ, უეფას ჩემპიონთა ლიგის 1/8 ფინალური ეტაპის პირველ შეხვედრაში, "ბარსელონამ" ლონდონის "არსენალი", სტუმრად, ანგარიშით 0-2 დაამარცხა. ხვალ კი განმეორებითი მატჩი გაიმართება.
"ყურადღებით უნდა ვითამაშოთ. "არსენალს" კარგი ტემპი აქვს და ფლანგებზე სწრაფი ფეხბურთელები ჰყავს, რაც მათ სახიფათოს ხდის. ადვილი მატჩი არ იქნება. მცირე უპირატესობა გვაქვს, მაგრამ "მეთოფეები" ჯერ კიდევ თამაშში არიან", - აცხადებს ტომას ვერმალენი.
"ლონდონში რთული მომენტები შევქმენით. არ აქვს მნიშვნელობა, თუ სად თამაშობენ ისინი. "არსენალს" მიწაზე თამაში უყვარს, გრძელი პასები მათ არ ახასიათებთ".
"ჩემპიონთა ლიგის ზედიზედ მეორედ მოპოვება ბრწყინვალე იქნება, თუმცა წინ ჯერ კიდევ ბევრი მატჩია", - დაასრულა ბელგიელმა.
ამ სიახლეზე კომენტარები გათიშულია.
კომენტარები [ 7 ]