ვენგერი: "ბარსელონას" ჰყავს 3 ფეხბურთელი, რომლებიც ყოველდღიურ ცხოვრებას ხელოვნებად გარდაქმნიან"
"არსენალის" მთავარი მწვრთნელი არსენ ვენგერი ჩემპიონთა ლიგის 1/8-ფინალში "ბარსელონასთან" განმეორებითი მატჩის წაგების შემდეგ კომენტარს აკეთებს. ფრანგი სპეციალისტი ხაზს უსვამს იმას, რომ ლონდონურ კლუბს ფლეი ოფში ძლიერი მეტოქეები ხვდება.
"კარგად ვითამაშეთ. იმედგაცრუებული ვარ, რადგან ვგრძნობდი, რომ 1:1-ის დროს წინ წასვლა შეგვეძლო. "ბარსელონას" ჰყავს 3 საუკეთესო თავდამსხმელი, რომლებიც ოდესმე მინახავს. მათ არაფრისგან მომენტის შექმნა შეუძლიათ. ეს წარმოუდგენელია.
ფეხბურთში ყოველთვის ბოლო თამაშს უყურებ, აანალიზებ მის დადებით და უარყოფით მხარეებს. ბოლო 6 წელი ვმარცხდებით გუნდებთან, რომლებმაც ჩემპიონთა ლიგა მოიგეს. ერთადერთი გამონაკლისი გასულ სეზონში "მონაკო" იყო. დანარჩენ შემთხვევებში კი ეს "ბარსელონა" ან "ბაიერნი" იყო.
მომენტები ვერ გამოვიყენეთ. მეტოქის სათამაშო ხარისხი უბრალოდ წარმოუდგენელია, განსაკუთრებით მესის შემთხვევაში. 90 წუთის განმავლობაში მას შეცდომა არ დაუშვია ბურთთან პირველი შეხების დროს. ეს რაღაც აღმაფრთოვანებელია. ეს ხელოვნებაა. "ბარსელონას" ჰყავს 3 ფეხბურთელი, რომლებიც ყოველდღიურ ცხოვრებას ხელოვნებად გარდაქმნიან. მე განვიცადე ეს, მაგრამ დანარჩენი მსოფლიოსთვის ეს უბრალოდ სასწაულია.
შესანიშნავი საფეხბურთო საღამო იყო. ყველაზე მთავარი ისაა, რომ დღევანდელი თამაშიდან რაღაც მივიღეთ".
ამ სიახლეზე კომენტარები გათიშულია.
კომენტარები [ 21 ]