არსენ ვენგერი: "ბარსელონას" პრემიერ ლიგაში ხილვა არ მინდა
ლონდონის "არსენალის" მთავარი მწვრთნელი არსენ ვენგერი კატალონიის დამოუკიდებლობის შემთხვევაში "ბარსელონას" ინგლისის პრემიერ ლიგაში გადასვლასთან დაკავშირებით კიდევ ერთ კომენტარს აკეთებს.
"ბარსელონას" პრემიერ ლიგაში ხილვა არ მინდა. ეს ნორმალური არ იქნება, რადგან ლიგის გეოგრაფიული ერთიანობა დაირღვევა და გარდა ამისა, საღი აზრის საწინააღმდეგოც იქნება.
რატომ არ იწვევენ პრემიერ ლიგაში "სელტიკსა" და "რეინჯერსს", რომლებიც შოტლანდიაში თამაშობენ? ამას უფრო დიდი აზრი აქვს, ვიდრე "ბარსელონას" მოწვევას.
გარდა ამისა, ესპანეთსა და კატალონიას შორის პრობლემების არსებობის შემთხვევაში, ეს ნაბიჯი, ინგლისის მხრიდან, კატალონიის მხარდაჭერა იქნება. არა მგონია, ეს პოლიტიკურად მისასალმებელი ნაბიჯი იყოს. ასეთი სცენარი ნაკლებად სავარაუდოა.
იმედი მაქვს, "ბარსელონა" ესპანეთში თამაშს განაგრძობს." - ციტირებს ვენგერის სიტყვებს Sky Sports.
ამ სიახლეზე კომენტარები გათიშულია.
კომენტარები [ 8 ]