ნეიმარმა ურუგვაისთან თამაშში ყვითელი ბარათი მიიღო და ის შემდეგ შეხვედრას ტოვებს

"ბარსას" ახალგაზრდა ვარსკვლავმა - ნეიმარმა ურუგვაისთან თამაშში ყვითელი ბარათი მიიღო და ის პარაგვაისთან შეხვედრას ტოვებს, რაც იმას ნიშნავს, რომ მას "კლასიკომდე" თამაშის ჩატარება არ მოუწევს და "რეალთან" თამაშს სრულ კონდიციებში შეხვდება.

ყვითელი ბარათი ნეიმარმა მეტოქესთვის ფეხზე დაბიჯების გამო მიიღო, თუმცა ამას იმით გავამართლებთ, რომ ნეიმარს მთელი მატჩის განმავლობაში ურუგვაელი ფეხბურთელები ურტყამდნენ და ხელს უშლიდნენ საკუთარი ნიჭის დემონსტირებაში. ყველანი ადამიანები ვართ და ნეიმარსაც ნერვებმა უმტყუნა. ვნახოთ, რას ამობს ამაზე დუნგა:

"სამართლიანი იქნებოდა მსაჯს უფრო დაესაჯა ის ფეხბურთელები, რომლებიც ნეიმარზე უხეშობდნენ. ვფიქრობ, მსაჯს ნეიმარი უნდა დაენდო, მაგრამ ნეიმარი უნდა შეეგუოს იმას, რომ მსაჯები მას განსაკუთრებით მკაცრად სჯიან, ვიდრე სხვა ფეხბურთელებს."

საინტერესო იქნება, დანი ალვესის მოსაზრებაც:

"ნორმალურია, რომ ნეიმარი გაბრაზდა ურუგვაელ ფეხბურთელებზე. ისინი მას მუდმივად ურტყავდნენ, მსაჯი კი არაფერს აფიქსირებდა, მაგრამ ეს ფეხბურთია, როგორც ჩანს, სამხრეთ ამერიკაში დასაშვებია მსგავსი საქციელი, ევროპაში კი ასე არ ხდება."

როგორც ამჩნევთ, ნეიმარს ორივე ამართლებს (განსაკუთრებით ალვესი) და სამართლიანადაც, მსაჯს კი ორივე კიცხავს.

სამწუხაროდ, მსაჯების თემა ბოლო დროს სამხრეთ ამერიკაში თავს ძალიან იჩენს. გავიხსენოთ, კოპა ამერიკა 2015 და გავიხსენოთ ნეიმარის გაძევება. ბევრი დამეთანხმება, რომ ნეიმარის მოედნიდან გაგდება არასამართლიანი იყო და ასევე მისი დისკვალიფიცირებაც.

სამწუხაროდ, მსაჯები მხოროდ ნეიმარს არ "ერჩიან". იმავე ტურნირზე, ფინალში გავიხსენოთ თუ რა გაუკეთა გარი მედელმა მესის, რაც ნამდვილად წითელი ბარათია, იხილეთ ვიდეო:

[media=https://www.youtube.com/watch?v=3byYLCVizZs]

იმედია, კონმებოლი ამ საქმეს მიხედავს.