ალბა "კლასიკოს" გამოტოვებს?

27 წლის ფეხბურთელმა მცირე დაზიანება მიიღო.

როგორც ესპანური გამოცემა Marca, Rac1-ზე დაყრდნობით იტყობინება, ჟორდი ალბა რუმინეთის ეროვნული ნაკრების წინააღმდეგ გამართულ ამხანაგურ შეხვედრაში ტერფის არეში დაშავდა.

აღსანიშნავია, რომ კატალონიელთა მარცხენა მცველმა რუმინელების წინააღმდეგ მთელი 90 წუთის განმავლობაში ითამაშა. დღეს ის სამედიცინო შემოწმებას გაივლის, რის შემდეგაც ტრავმის სიმძიმე გახდება ცნობილი.

შეგახსენებთ, "ბარსელონამ" მადრიდის "რეალს" ორ აპრილს უნდა უმასპინძლოს. ლა ლიგის მიმდინარე სეზონში კი ალბას ანგარიშზე 23 ჩატარებული მატჩია.