"ბარსელონა" "კლასიკოში" კრუიფისადმი მიძღვნილი სპეციალური მაისურით ითამაშებს
შაბათს "ბარსელონას" ფეხბურთელები ლეგენდარული ჰოლანდიელის ხსოვნას პატივს მიაგებენ.
კატალონიელთა საბჭოს გადაწყვეტილებით, ორ აპრილს გასამართ "ელ კლასიკოში" გუნდის მაისური ერთი მატჩით შეიცვლება. ის ადგილი, სადაც ამჟამად საკლუბო ჩემპიონატის გამარჯვებულის ლოგოა გამოსახული, შეიცვლება წარწერით: Gracies Johan.
აგრეთვე, ბავშვებს, რომლებიც მატჩის დაწყებამდე მოთამაშეებთან ერთად გამოდიან მინდორზე, მაისურზე გამოსახული ექნებათ კრუიფის საქველმოქმედო ორგანიზაციის ლოგო. თამაშის დაწყებამდე ტაბლოზე ჰოლანდიელის სამახსოვრო ვიდეო გაეშვება. გულშემატკივრები კი ტრიბუნებზე მოზაიკას შექმნიან.
"ბარსელონას" პრეს-მდივნის განცხადებით, კლუბის ხელმძღვანელობა "ნოუ კამპისთვის" სახელის შეცვლას არ განიხილავს. მან ასევე მადლობა გადაუხადა მადრიდის "რეალის" პრეზიდენტს, ფლორენტინო პერესს, კრუიფისადმი გამოხატული მხარდაჭერისთვის.
ამ სიახლეზე კომენტარები გათიშულია.
კომენტარები [ 19 ]