საულის უპირატესი შესყიდვის უფლება "ბარსელონას" აქვს
მადრიდის "ატლეტიკოსა" და მიუნხენის "ბაიერნს" შორის გუშინ გამართული მატჩის გმირის, საულ ნიგესის უპირატესი შესყიდვის უფლება "ბარსელონას" აქვს. ამ ინფორმაციას კატალონიური Sport ავრცელებს.
გუშინ, მადრიდში გამართული მატჩი მასპინძლებმა 1:0 მოიგეს. ერთადერთი გოლი, შესანიშნავი სოლორეიდის შემდეგ, 21 წლის საულ ნიგესმა გაიტანა.
როგორც ირკვევა, ახალგაზრდა ესპანელი ნახევარმცველის უპირატესი შესყიდვის უფლება "ბარსელონას" აქვს. ეს ნიშნავს, რომ თუ რომელიმე კლუბი საულის შეძენას გადაწყვეტს, "ატლეტიკოს" წინადადებით მიმართავს და მადრიდელები ამ შეთავაზებას დასთანხმდებიან, "ბარსას" უფლება ექნება ფეხბურთელი იმავე ფასად თავად დაიმატოს. ეს უფლება კატალონიელებმა დავიდ ვილიას "ატლეტიკოში" გაშვების დროს მოიპოვეს.
ასევე ვრცელდება ინფორმაცია, რომ "ბარსას" იგივე უფლება "ატლეტიკოს" კიდევ ერთ ფეხბურთელზე, ხავი მანკილიოსზეც აქვს.
ამ სიახლეზე კომენტარები გათიშულია.
კომენტარები [ 16 ]