მასკერანო: "შეცდომის უფლება არ გვაქვს"
არგენტინელი ფეხბურთელი ლა ლიგის ბოლო ტურის მატჩის წინ კომენტარს აკეთებს.
მოგეხსენებათ, მიმდინარე სეზონის დასრულებამდე ერთი ტურით ადრე, "ბარსელონა" თავის უახლოს მდევარს მხოლოდ ერთი ქულით უსწრებს.
"ვიცით, რომ ყველაფერი საკუთარ თავზეა დამოკიდებული. ისევე, როგორც ყველა წინა მატჩი, "გრანადასთან" შეხვედრა რთული იქნება. შეცდომის დაშვების უფლება არ გვაქვს, ეს კი ნიშნავს, რომ მაქსიმუმის გაკეთებას შევეცდებით", - ამბობს ხავიერ მასკერანო.
აღსანიშნავია, რომ წინა ტურში "გრანადამ" "სევილია" გაანადგურა, რითაც პრიმერა დივიზიონში ადგილი გაინაღდა.
"ჩვენი გუნდის ყველა მოთამაშეს ესმის, რომ რთული იქნება მატჩი მათ წინააღმდეგ, რომლებმაც თავიანთ მიზანს უკვე მიაღწიეს, მაგრამ ვიმედოვნებ, "ბარსელონას" დიდი სივრცე ექნება", - განაცხადა არგენტინელმა.
შეგახსენებთ, ესპანეთის ჩემპიონატის ბოლო ტურის ყველა მატჩი სტარტს ერთდროულად, თბილისის დროით 19:00 საათზე აიღებს.
ამ სიახლეზე კომენტარები გათიშულია.
კომენტარები [ 13 ]