მესი და ინიესტა ჩავის გაუტოლდნენ

დღეს, პრიმერა დივიზიონის ბოლო ტურში "გრანადასთან" 3:0 მოგებით, "ბარსელონამ" ესპანეთის ჩემპიონატი 24-ედ მოიგო. აღსანიშნავია, რომ კატალონიური კლუბის სამ ფეხბურთელს გუნდის ტიტულების ერთი მესამედი აქვს მოგებული.

"გრანადასთან" გამართული მატჩის შემდეგ, ლიონელ მესისა და ანდრეს ინიესტას აქტივში ესპანეთის 8 ჩემპიონობაა. ისინი აქამდე კლუბის ერთპიროვნულ რეკორდსმენს, ჩავი ერნანდესს გაუტოლდნენ.

ამ სამ ფეხბურთელს, 2005, 2006, 2009, 2010, 2011, 2013 და 2015 წლებში ჩემპიონატი ერთად აქვს მოგებული. ჩავიმ, კიდევ ერთი თასი 1999 წელს მოიგო, ხოლო მესიმ და ინიესტამ - 2016 წელს.