მესიმ და ინიესტამ ჩავის გაასწრეს და რეკორდი დაამყარეს

ლიონელ მესიმ და ანდრეს ინიესტამ, "დეპორტივოსთან" მოგებული შეხვედრის (4:2) შემდეგ, ესპანეთის ჩემპიონობა მეცხრედ იზეიმეს, რაც კატალონიური კლუბის ახალი რეკორდია.

"ბარსელონას" არგენტინელმა და ესპანელმა ლეგენდებმა პრიმერა 2005, 2006, 2009, 2010, 2011, 2013, 2015, 2016 და 2018 წლებში მოიგეს.

აქამდე, ლეო და ანდრესი პირველ ადგილს ჩავისთან იყოფდნენ, რომელსაც ესპანეთის ჩემპიონატი 8-ჯერ აქვს მოგებული.