ოფიციალურად: "ბარსელონა" და ბუსკეტსი ახალ კონტრაქტზე შეთანხმდნენ

"ბარსელონამ" ოფიციალურად დაადასტურა, რომ კლუბი 27 წლის საყრდენ ნახევარმცველთან, სერხიო ბუსკეტსთან ახალ კონტრაქტს გააფორმებს.

კატალონიური კლუბის ოფიციალური ვებგვერდის ცნობით, ბუსკეტსი ხელშეკრულებას 2021 წლის 30 ივნისამდე გაახანგრძლივებს. შეთანხმება კონტრაქტის კიდევ 2 წლით გაგრძელებასაც ითვალისწინებს. ეს ფეხბურთელის მიერ ჩატარებულ მატჩებზე იქნება დამოკიდებული. ნახევარმცველის გამოსასყიდ თანხად 200 მილიონი ევრო განისაზღვრა.

ბუსკეტსი "ბარსელონას" 2005 წელს შეუერთდა, 2008 წელს კი ის პირველ გუნდში გადაიყვანეს. 2008 წლის შემდეგ, მან "ბარსელონას" მაისურით 384 თამაში ჩაატარა, 12 გოლი გაიტანა და 23 ტიტული მოიგო.