ფერნანდესი: "ნეიმარი რჩება"
"ბარსელონას" სპორტული დირექტორი თვლის, რომ ბრაზილიელი ფეხბურთელი კატალონიის დედაქალაქში კიდევ მრავალი წლის განმავლობაში ითამაშებს.
მოგეხსენებათ, ნეიმარის მიმდინარე ხელშეკრულება 2018 წლამდეა ძალაში. დროდადრო ვრცელდება ჭორები, რომ 24 წლის თავდამსხმელის გამოსასყიდი თანხის (190 მილიონი ევრო) გადასახდელად რამდენიმე კლუბი, "მანჩესტერ იუნაიტედი", "პარი სენ ჟერმენი" და მადრიდის "რეალია" მზად.
მიუხედავად ამისა, "ბლაუგრანაში" დარწმუნებულნი არიან, რომ ნეიმარი სამუშაო ადგილს არ შეიცვლის.
"ნეიმარი "ბარსელონაში" კიდევ დიდი ხნის განმავლობაში დარჩება. კლუბი ოფიციალურ განცხადებას გაავრცელებს, როდესაც ის ახალ ხელშეკრულებას გააფორმებს", - განაცხადა "ბარსას" სპორტულმა დირექტორმა, რობერტ ფერნანდესმა.
აღსანიშნავია, რომ გასულ სეზონში ნეიმარმა მეტოქეთა კარი 31-ჯერ აიღო.
ამ სიახლეზე კომენტარები გათიშულია.
კომენტარები [ 6 ]