ნოლიტო "სიტის" უახლოვდება

ვიგოს "სელტას" თავდამსხელი ნოლიტო, რომელიც დიდი ხანია "ბარსელონას" ინტერესის სფეროშია მოქცეული, "მანჩესტერ სიტიში" გადასვლასთან ახლოსაა. ამ ინფორმაციას გამოცემა Tele5 ავრცელებს.

წყარო გარიგების დეტალებს არ ახმაურებს, მაგრამ Tele5-ის ჟურნალისტების ცნობით, კლუბებმა შეთანხმებას უკვე მიაღწიეს.

ცნობილია, რომ 29 წლის ფეხბურთელის შეძენის სურვილს უკვე დიდი ხანია "ბარსელონა" გამოთქვამს.

ნოლიტოს "ბარსელონაში" უკვე უთამაშია. 2008-2011 წლებში, ის "ბარსა ბ"-ს რიგებში გამოდიოდა. ამ გუნდში გატარებული პირველი სეზონის დროს, ნოლიტო პეპ გვარდიოლასთან მუშაობდა, ეს უკანასკნელი კი, მომდევნო სეზონიდან, "მანჩესტერ სიტის" გაწვრთნის.