ვინ შეცვლის ლუის ენრიკეს მისი წასვლის შემთხვევაში?

"ბარსელონას" მთავარ მწვრთნელს, ლუის ენრიკეს, კატალონიურ კლუბთან კონტრაქტი ერთი წლის შემდეგ უმთავრდება და ჯერჯერობით უცნობია, გააგრძელებს თუ არა ის ხელშეკრულებას.

ირლანდიურმა კომპანია Paddy Power-მა, რომელიც ინგლისშიც საქმიანობს, საკითხი შეისწავლა და ის სპეციალისტები გამოავლინა, რომლებსაც, ლუის ენრიკეს "ბარსელონადან" წასვლის შემთხვევაში, კატალონიელთა ჩაბარების ყველაზე მეტი შანსი აქვთ.

თავიდან, ფავორიტი კატალონიელი ოსკარ გარსია იყო, რომელიც "ბარსელონას" სკოლის აღზრდილია და რომელიც პირველ გუნდში 1993-1999 წლებში თამაშობდა. მას "ბარსას" 18-წლამდელთა გუნდში მწვრთნელად უმუშავია. გარსია, ამჟამად, ზალცბურგის "რედ ბულს" წვრთნის. მისი შანსები ფასდება, როგორც 5/1.

მოგვიანებით, ფავორიტი რონალდ კუმანი გახდა. "ბარსას" ჰოლანდიელი მწვრთნელი, რომელმაც კატალონიელთა ჩაბარების სურვილი არაერთხელ გამოხატა, "ევერტონს" წვრთნის. მანამდე მას ჰოლანდიის ნაკრებსა და "ბარსელონაში" თამაშემწედ, ხოლო "ვიტესში", "აიაქსში", "ბენფიკაში", პსვ-ში, "ვალენსიაში", "ალკმაარში", "ფეიენორდსა" და "საუთჰემპტონში" მთავარ მწვრთნელად უმუშავია. მისი შანსები ფასდება, როგორც 3/1.

ფავორიტთა შორის არიან ფრანკ რაიკარდი (6/1) და ფრანკ დე ბური (8/1). შემდეგ მოდიან დიეგო სიმეონე (10/1), ერნესტო ვალვერდე (10/1), მაურისიო პოჩეტინო (10/1), პაკო ხემესი (12/1), ჩავი ერნანდესი (12/1), იურგენ კლოპი (14/1), მიკაელ ლაუდრუპი (16/1), კარლეს პუიოლი (20/1) და რობერტ ფერნანდესი (20/1). სიას მოგვიანებით დაემატა "ბარსელონას" ლეგენდარული კაპიტანი და მწვრთნელი პეპ გვარდიოლა (9/2).