ნეიმართან კონტრაქტის გაფორმება გაურკვეველი ვადით გადაიდო

"ბარსელონასა" და ნეიმარს შორის ახალი კონტრაქტის საჯაროდ გაფორმების თარიღმა გაურკვეველი ვადით გადაიწია. ამ ინფორმაციას კლუბის სპიკერი ჟოზეპ ვივესი ადასტურებს.

თავდაპირველი ინფორმაციით, ნეიმარის მიერ კონტრაქტზე ხელმოწერის საჯაროდ დასმა პარასკევს, 15 ივლისს უნდა მომხდარიყო, თუმცა იმის გამო, რომ ფეხბურთელი ბრაზილიის ოლიმპიურ ნაკრებთან შეკრებაზე მიემგზავრება, ეს ღონისძიება გადაიდო.

"ღონისძიება იმის გამო გადაიდო, რომ ნეიმარი ბრაზილიის ნაკრებთან ერთად ორშაბათს უნდა იყოს და გადავწყვიტეთ, ხანგრძლივი ფრენის წინ, კონტრაქტის გაფორმება მიზანშეწონილი არ იქნებოდა, რადგან ყველაფერი ოფიციალურად უკვე მოგვარებულია. ამას სხვა დროს ვიზამთ."