"ატლეტიკო", ვიეტოს ტრანსფერში ჩართვით, გამეიროს შეძენას შეეცდება

"ატლეტიკო მადრიდი" ცდილობს "ბარსელონას" ხელი შეუშალოს მთავარი სამიზნის, კევინ გამეიროს შეძენაში. მადრიდელებმა "სევილიას" საინტერესო შეთავაზება გაუკეთეს, რომლის მიხედვითაც ისინი მზად არიან, ლუსიანო ვიეტო და კიდევ 20 მილიონი, კევინ გამეიროს სანაცვლოდ გაიღონ.
ამ ეშმაკური ხერხით, "ატლეტიკო" ცდილობს, ერთი მხრივ "ბარსელონას" ტრანსფერი ჩაუშალოს და მეორეს მხრივ ლუსიანო ვიეტო, რომელიც კატალონიური კლუბის ინტერესის სფეროშია, "სევილიაში" გაუშვას.
"ბარსას" ვიეტოზე მეტად გამეიროს შეძენა სურს. ლუის ენრიკე ყველანაირად ცდილობს, რომ კევინი თავის გუნდში იხილოს, თუმცა თუ "ატლეტიკო" მოახერხებს და ამ შეთავაზებას ძალაში მოიყვანს, მაშინ "ბარსას" სხვა ფორვარდის ძიება მოუწევს.