"ლესტერი" და "ბარსელონა" გაბიგოლისთვის იბრძოლებენ
მიუხედავად იმისა, რომ ფეხბურთელი ოლიმპიადაზე იმყოფება მას ევროპული გუნდები მოსვენებას არ აძლვევენ. მთავარ კანდიდატად "ბარსა" სახელდება, თუმცა კატალონიურ კლუბს კონკურენტი გამოუჩნდა "ლესტერის" სახით.
გაბიგოლის შეძენით "ბარსელონას" გარდა "იუვენტუსი" და "ინტერი" იყო დაინტერესებული. მათ რიცხვს პრემიერ ლიგის გამარჯვებული "ლესტერიც" შეემატა.
Sun-ის ინფორმაციით, ანტონიო კონტეც გამოთქვამს სურვილს ბრაზილიელი ფეხბურთელის შეძენის, თუმცა რანიერი უფრო სერიოზულადაა განწყობილი და შეთავაზების გაკეთებას უახლოეს დღეებში აპირებს.
გაბიგოლის აგენტი ცდილობს, რომ ფეხბურთელი საკუთარი სურვილის მიხედვით "სანტოსიდან" ევროპულ გრანდში გადაიყვანოს. მათ მოალაპარაკებები არაერთ ტოპ გუნდთან ჰქონდათ.
თუ ფეხბურთელი ინგლისის პრემიერ ლიგაში გადავა, დიდი ალბათობით მისი მომავალი კლუბი "ლესტერი" იქნება, რადგან სხვა ინგლისური კლუბები თავს იკავებენ მისი შეძენისაგან.
მიუხედავად იმისა, რომ "მელიები" მასში 30 მილიონი ევროს გადახდას აპირებენ, გაბრიელ ჟესუსის 31 მილიონიან ევროიანი ტრანსფერი "მანჩესტერ სიტიში", გაბიგოლის ფასს აშკარად გაზრდის. ექსპერტების ვარაუდით "სანტოსი" ფეხბურთელს 35 მილიონ ევროზე ნაკლებად არ შეელევა.
ამ სიახლეზე კომენტარები გათიშულია.
კომენტარები [ 3 ]