ლუის ენრიკეს პრესკონფერენცია "სევილიასთან" მატჩის წინ
"ბარსელონას" მთავარმა მწვრთნელმა, ლუის ენრიკემ, ესპანეთის სუპერ თასზე "სევილიასთან" ხვალ გასამართი მატჩის წინ პრესკონფერენცია გამართა.
"სევილია" უნიკალური გუნდია. ანდალუსიურ კლუბში ბევრი ცვლილებაა. განსაკუთრებით აღსანიშნავია ახალი მწვრთნელი. მას განსხვავებული ფილოსოფია აქვს, რომელიც მე ძალიან მომწონს. დღევანდელი ფილოსოფიის "სევილია" გაცილებით საშიშია.
რაც ყოველთვის მომწონს, ესაა ფეხბურთელების შემართება. სწორედ ეს გვეხმარება ტიტულების მოგებაში.
მესის თამაშის ყურება ყოველთვის სასიამოვნოა. მისი ნაკრებში დაბრუნება არგენტინისთვის კარგი ამბავია.
შეცდომები დაცვაში? ფეხბურთი გუნდური თამაშია. მთელი გუნდი ერთიანად თამაშობს. გაშვებულ გოლებს ვაანალიზებთ და ვპროგრესირებთ.
სამპერი? მან საკმარისი სათამაშო დრო დიდი კონკურენციის გამო ვერ მიიღო. ის მაღალი დონის ფეხბურთელია და შესანიშნავია, რომ ჩვენ გუნდში ირიცხება.
ვინ იდგება კარში სუპერ თასზე? გადაწყვეტილებას იმ ფეხბურთელების გათვალისწინებით მივიღებ, რომლებიც ჩემ განკარგულებაში იქნებიან.
არდა თურანს შეუძლია ნებისმიერ სიტუაციას მოერგოს. მას თამაში შეუძლია როგორც შეტევაში, ასევე ნახევარდაცვაში და ეს მომწონს.
უმტიტი და გომეში ფიზიკურად ძალიან კარგად არიან მომზადებულნი. მათ მდგომარეობას შევისწავლით. ხვალინდელი მატჩისთვის გარისკვას არ ვაპირებთ.
ხვალინდელი საღამოსგან თვალსასეირო და კარგ თამაშს ველი."
ამ სიახლეზე კომენტარები გათიშულია.
კომენტარები [ 15 ]