"ახალი" ლიონელ მესი: ტოტალური ფეხბურთელი

"მესი არის ისტორიაში საუკეთესო ფეხბურთელი, რატომ? იმიტომ, რომ მას შეუძლია ნებისმიერ პოზიციაზე თამაში და მას რომ მივცეთ 9, 8 ან 6 ნომერი, მაშინ ის გახდება საუკეთესო ნომერი 9, 8 ან 6 ნომერი მსოფლიოში. სწორედ ამ მიზეზის გამო აქვს მას იმის თავისუფლება, რომ სადაც უნდა იქ ითამაშოს. ჩემი მხრიდან ჭკვიანური არ იქნება ის ფეხბურთელი არ გამოვიყენო, რომელსაც შეუძლია სრულყოფილი გადაცემის გაკეთება 40 მეტრის მოშორებით." - ეს არის ლუის ენრიკეს სიტყვები, რომლებითაც "ბარსელონას" მწვრთნელმა, მესი, "სელტიკთან" გამართული შეხვედრის შემდეგ შეაქო.

მესი არის ფეხბურთელი, რომელმაც კარიერა შეტევაში, მარჯვენა ფლანგზე დაიწყო და მსოფლიოში საუკეთესო მოთამაშე გახდა, ახლა კი, მაშინ როდესაც უკვე დამტკიცებული აქვს, რომ ისტორიაში საუკეთესოა, ის უკვე ისეთ დონეზე იმყოფება, რომ მისი კლასის სიმაღლის ჩვენება სხვებთან შედარებით, მოედანზე, ნებისმიერ პოზიციაზე შეუძლია.

რაც მან "სელტიკის" წინააღმდეგ გააკეთა, ახალი არაა და მისი სრული შესაძლებლობიდან ძალიან შორსაა. მესიმ მოახდინა ფორვარდიდან იმ მოთამაშედ გარდაქმნა, რომელიც დაცვის კარს, გუნდის შეჩერების შემთხვევაში, მუდმივად აღებს. პეპ გვარდიოლა, 2009 წელს, იყო პირველი, რომელმაც ის ფლანგიდან გადმოიყვანა, ამის შემდეგ არგენტინელმა მოახდინა ცრუ ცხრიანიდან ისეთ მოთამაშედ ჩამოყალიბება, რომელიც თამაშს აკონტროლებს.

შემქმნელი

ყველა რეკორდის დამხობის შემდეგ, რომელიც გატანილი გოლების რაოდენობით ისაზღვრება, ჩემპიონთა ლიგის საუკეთესო ბომბარდირის გამოკლებით, რომელშიც პირველი კრიშტიანუ რონალდუა, მესიმ დაიწყო უფრო და უფრო გუნდზე თამაში. საკმაოდ დიდი დრო გავიდა მას შემდეგ, რაც მისი ინდივიდუალური გოლები პრიორიტეტი იყო. ის ახლა მსოფლიოში საუკეთესო შემქმნელიცაა. სივრცის გამონახვაა, გადაცემის გაკეთება საჯარიმოში თუ დიაგონალური პასის გაკეთება 40 მეტრის მოშორებით, მესისთვის მნიშვნელობა არ აქვს, "რადგან ხელთათმანი, მას ნებისმიერ შემთხვევაში ერგება."

საუკეთესო მაგალითი მესის უფრო გუნდზე თამაშის გადავლისა, არის ის, რომ მან უფრო და უფრო მეტი საჯარიმო დარტყმისა და პენალტის გადაცემა დაიწყო ნეიმარისთვის და სუარესისთვის. შორს რომ არ წავიდეთ, ბრაზილიელმა პირდაპირ ჯარიმა გაიტანა "სელტიკის" კარში. წლების წინ კი მესი ამ საჯარიმო დარტყმას, თავის თავზე აიღებდა უდავოდ.

მომავალი

რაც უფრო მეტი წელი გადის, მით უფრო უნდა შევეგუოთ იმ ფაქტს, რომ მესი ნელ-ნელა დაკარგავს იმ მუხტს, რომლითაც მას შეუძლია ახლა მოწინააღმდეგის მესამედზე ფეხბურთელების გაცურება და მოტყუება. როდესაც ეს მოხდება, როზარიოში დაბადებული ფეხბურთელი, უდავოდ გახდება მსოფლიოში საუკეთესო ნახევარმცველი. ის დაკარგავს აჩქარებას, თუმცა არა მაგიას და ეს "ბარსელონას" დასჭირდება კიდევაც. ერთი შეხედვით, მისი მუდმივი საგოლე გადაცემები ნეიმარზე და ლუის სუარესზე, არის დასაწყისი იმ ერისა, რომლის დროსაც მესი უფრო გადართულია გოლის წამოწყებაზე და არა მის გატანაზე.

როდესაც მესი ორგანიზებას იწყებს, გუნდი დინებას მიჰყვება და თუ ეს მოხდება, მაშინ შესაძლებლობებიც ბუნებრივად გამოჩნდება ისე, როგორც გამოჩნდა მისი ჰეთ თრიქი "სელტიკის" წინააღმდეგ.