ლუის სუარესი: "ადამიანები ვართ და დასვენება გვჭირდება"
"ლეგანესთან" გამართული შეხვედრის პირველ ტაიმში ლუის სუარესმა თავი გოლითა და 2 საგოლე გადაცემით გამოიჩინა, შესვენების შემდეგ კი იგი პაკო ალკასერმა შეცვალა.
როგორც ჩანს, ურუგვაელი არ არის უკმაყოფილო მწვრთნელის გადაწყვეტილებით: "ჩვენც ადამიანები ვართ და დასვენება გვჭირდება. ჩემთვის გასაგებია ცვლილება ისევე, როგორც ნებისმიერი შეცვლილი ფეხბურთელისთვის."
"ალავესთან" მარცხს "ბარსელონამ" ორი შესანიშნავი გამარჯვებით უპასუხა. ლუის სუარესი მიიჩნევს, რომ ასეთი დატვირთული კალენდარი სასარგებლოა, რადგან გუნდს საშუალება ეძლევა, რაც შეიძლება სწრაფად გამოასწოროს შეცდომა. "ყველაზე მეტად თამაში, სათამაშო რიტმში შესვლა მოგვწონს. "ალავესთან" წაგების შემდეგ საუკეთესოდ უნდა მოვმზადებულიყავით, ვინდაიდან "ატლეტიკოა" მომდევნო მეტოქე," განაცხადა თავდამსხმელმა.
სუარესმა დაიცვა ნეიმარიც, რომელსაც პროვოკაციული თამაშის გამო აკრიტიკებენ: "ნეიმარს აქვს საკუთარი სათამაშო სტილი და ეს არ უნდა განვიხილოთ. მას უადგილო არაფერი გაუკეთებია."
ამ სიახლეზე კომენტარები გათიშულია.
კომენტარები [ 6 ]