რაკიტიჩი "იუვენტუსის" სატრანსფერო პრიორიტეტი გახდა

კატალონიის "ბარსელონას" ნახევარმცველი, ივან რაკიტიჩი ტურინის "იუვენტუსის" სატრანსფერო პრიორიტეტებს შორის მოწინავე ადგილს იკავებს. ელ მუნდო დეპორტივოს ცნობებზე დაყრდნობით, ზაფხულში ხორვატმა ფეხბურთელმა "მანჩესტერ იუნაიტედი", "ჩელსი" და "ბებერი ქალბატონი" უარით გაისტუმრა.

როგორც ჩანს, მასიმილიანო ალეგრი დანებებას არ აპირებს, რადგან რაკიტიჩს პოლ პოგბას იდეალურ შემცვლელად აღიქვამს.

სამი ხედირას ხშირი ტრავმიანობისა და კლაუდიო მარკიზიოს სერიოზული დაზიანების გამო, თამამად შეგვიძლია ვთქვათ, რომ რაკიტიჩი მომავალ სატრანსფერო ფანჯარაზე "იუვენტუსის" მთავარი სამიზნე იქნება.

შეგახსენებთ, რომ ხორვატი ნახევარმცველის ხელშეკრულება "ბარსელონასთან" 2019 წელს იწურება. გავრცელებული ინფორმაციის თანახმად კატალონიური კლუბი ფეხბურთელთან კონტრაქტის გახანგრძლივებას გეგმავს.

მიმდინარე სეზონზე რაკიტიჩმა "ლურჯ-ბროწეულისფერთა" მაისურით 9 მატჩი ჩაატარა და აქტივში 2 გოლი ჩაიწერა.