დიბალა გავრცელებულ ჭორებს უარყოფს

ტურინის "იუვენტუსის" თავდამსხმელმა განაცხადა, რომ ამჟამინდელი კლუბის დატოვებას არ აპირებს. უახლოეს მომავალში ბებერი ქალბატონი არგენტინელ ფეხბურთელთან კონრაქტის გახანგრძლივებას გეგმავს.

"ის, რასაც გაზეთები "ბარსელონაში" ჩემს შესაძლო გადასვლაზე წერენ - უაზრობაა. სატრანსფერო ფანჯარა დახურულია და ვეცდები "იუვენტუსთან" კონტრაქტი გავახანგრძლივო." - ციტირებს ფეხბურთელის სიტყვებს Football Italia.

მიმდინარე სეზონში 22 წლის თავდამსხმელმა 8 მატჩი ჩაატარა, სადაც 2 საგოლე გადაცემის გაკეთება შეძლო.