პუიოლი: "ტერ შტეგენი მსოფლიოში ერთ-ერთი საუკეთესო მეკარეა"

კატალონიის "ბარსელონას" ლეგენდარულმა კაპიტანმა, კარლეს პუიოლმა ვიგოს "სელტასთან" მატჩში ტერ შტეგენის დაშვებულ შეცდომაზე ისაუბრა.

"მე ვფიქრობ, რომ მარკ-ანდრე ტერ შტეგენი დღესდღეობით მსოფლიოში ერთ-ერთი საუკეთესო მეკარეა. გერმანელს გუნდისთვის ბევრი კარგი რამ მოაქვს, მე მის მხარეს ვიჭერ. რა თქმა უნდა, ცუდია, როდესაც მეკარის შეცდომის შემდეგ გოლი გადის.

ამ ყველაფრის შემდეგ აუცილებელია, რომ მისი თამაში იგივე ნდობით გაგრძელდეს. მარკს ისეთი ხასიათი აქვს, რომ ამ სიტუაციას იოლად გადალახავს." - აცხადებს პუიოლი.