ნეიმარმა გუნდთან ერთად სრული დატვირთვით ივარჯიშა (ვიდეო)

როგორც იცით, 6 ოქტომბერს გამართულ მატჩში, კატალონიის "ბარსელონასა" და ბრაზილიის ეროვნული ნაკრების თავდამსხმელმა, ნეიმარ და სილვამ სახის დაზიანება და დისკვალიფიკაცია მიიღო.

ზემოთ ხსენებული მიზეზების გამო, ეროვნული ნაკრების თავკაცმა მას კატალონიაში დაბრუნების უფლება მისცა.

ფეხბურთელი "ბარსელონაში" ჩაფრინდა და "სიუტატ ესპორტივა ჟოან გამპერზე" სრული დატვირთვით ივარჯიშა. სახის დაზიანებამ ნეიმარი ვერ დააბრკოლა.

კატალონიის "ბარსელონას" Youtube-ს ოფიციალურმა გვერდმა, ნეიმარის ენერგიული სესიის ამსახველი ვიდეო გაავრცელა.