მასკერანო: "ბარსელონაში" ეს ჩემი ბოლო კონტრაქტია"

"ბარსელონას" არგენტინელმა ფეხბურთელმა, ხავიერ მასკერანომ გუშინ კატალონიურ კლუბთან კონტრაქტი 2019 წლამდე გაახანგრძლივა. 32 წლის ნახევარმცველმა ამასთან დაკავშირებით კომენტარიც გააკეთა.

"ეს ჩემი ბოლო კონტრაქტია "ბარსელონას" ფეხბურთელის რანგში. იმედი მაქვს, რომ კატალონიის დედაქალაქში კარგ პიროვნებად დავამახსოვრდები გულშემატკივრებს. 15 წლის შემდეგ კი, როდესაც დაბრუნებას მოვისურვებ, ვიმოედოვნებ, ჩემთვის კარი ღია იქნება.

მოხარული ვარ, რომ ვრჩები იმ კლუბში, სადაც უკვე 6 წელი გავატარე. "ბარსელონა" ჩემი სახლია." - განაცხადა მასკერანომ.