ძამბროტა: "გვარდიოლას "ბარსელონაში" უფრო მეტი მსოფლიო დონის ფეხბურთელი იყო"

კატალონიის "ბარსელონას" ყოფილმა მცველმა, ჯანლუკა ძამბროტამ "ლურჯ-ბროწეულისფერთა" ახლანდელი შემადგენლობა, პეპ გვარდიოლას დროინდელს შეადარა.

"რთულია მათ შორის საუკეთესოს გამოვლენა. ორივე ძლიერია, გამორჩეული მოთამაშეებით. შესაძლოა, გვარდიოლას "ბარსელონაში" უფრო მეტი მსოფლიო დონის ფეხბურთელი იყო.

"ბარსელონას" ამჟამინდელ გუნდში ძალიან ბევრი აკადემიის მოთამაშეა. ფილოსოფია ძველებურია - შემტევი ფეხბურთი. ეს უცვლელი დარჩა. " - განაცხადა ძამბროტამ.