"ბარსელონას" პენალტების არ უნდა ეშინოდეს

ორი აზრი არ არსებობს იმის შესახებ, რომ "მანჩესტერ სიტის" დამარცხება კატალონიის "ბარსელონას" გაუჭირდება. არის ერთი კომპონენტი, რისიც "ბლაუგრანას" არ უნდა ეშინოდეს - თერთმეტმეტრიანები.

მიმდინარე სეზონში, ინგლისელებმა 8 თერთმეტმეტრიანი დაარტყეს, საიდანაც მხოლოდ 4 იქნა გამოყენებული.

ძირითადად ბურთთან სერხიო აგუერო მიდის, რომელმაც "სიტის" სასარგებლოდ დანიშნული პენალტების 75% შეასრულა.

მიმდინარე სეზონში, ჩემპიონთა ლიგის საკვალიფიკაციო ეტაპზე, აგუერომ ერთ მატჩში 2 თერთმეტმეტრიანი გააცუდა. მან პარაგვაისთან მატჩშიც ვერ გაიტანა გოლი მითითებული ნიშნულიდან.

მარკ-ანდრე ტერ შტეგენმა ჩემპიონთა ლიგაზე მის კარში დანიშნული 4 პენალტიდან მხოლოდ 1 გაუშვა. 2015 წელს მან აგუეროს დარტყმული აიღო. გერმანელის წინააღმდეგ მიზანს ვერც ედინ ჯეკომ და მუსა დემბელემ მიაღწიეს.

მხოლოდ ანტუან გრიზმანმა შეძლო თერთმეტმეტრიანის გატანა ევროპულ სარბიელზე, ტერ შტეგენის წინააღმდეგ.