უმტიტი: "თითოეული წამით ვტკბები"

კატალონიის "ბარსელონას" მცველმა, სამუელ უმტიტიმ განაცხადა, რომ "ბლაუგრანაში" გადასვლით კმაყოფილია. ფრანგი ფეხბურთელი აქამდე "ლიონის" ღირსებას იცავდა.

"სერიოზული შთაბეჭდილების ქვეშ ვარ. ასეთი დონის ფეხბურთელებთან ერთად ამ სპორტით დატკბები. რა თქმა უნდა, ბედნიერი ვარ. როგორ შეიძლება სხვაგვარად იყოს? ეს ახდენილ ოცნებას ჰგავს.

"ბარსელონაში" გატარებული თითოეული წამი მაბედნიერებს. ქალაქისგან სიამოვნებას ვიღებ, აქ ცხოვრების მაღალი დონეა.

ჩემ ცხოვრებაში ყველაფერი კარგადაა, საწუწუნო არაფერი მაქვს." - განაცხადა უმტიტიმ.