"ბარსელონა" ხვალინდელი მატჩისთვის მზადაა

კატალონიის "ბარსელონამ" "გრანადასთან" მატჩის წინ, უკანასკნელი სავარჯიშო სესია გამართა. ლუის ენრიკეს შეგირდები ანდალუსიურ გუნდს ხვალ, თბილისის დროით 22 საათსა და 45 წუთზე უმასპინძლებენ.

"ბარსელონამ" ამ მატჩისთვის მოსამზადებლად 2 სავარჯიშო სესია ჩაატარა (დღევანდელის ჩათვლით). პროცესში მონაწილეობა ძირითადი გუნდის ყველა ხელმისაწვდომმა მოთამაშემ მიიღო, რეზერვისტებთან ერთად.

პირველ გუნდს მარლონი, ნილი და კარლეს ალენია შეუერთდნენ.

"ბარსელონა" დაძაბული კვირისთვის ემზადება. "გრანადასთან" მატჩის შემდეგ, კატალონიელები მანჩესტერში ჩაფრინდებიან, "ეტიჰადზე" ისინი ადგილობრივ "სიტის" დაუპირისპირდებიან.

მანჩესტერელებთან მატჩის შემდეგ, "რამონ სანჩეს პისხუანზე" გუნდი პრინციპულ დაპირისპირებას გამართავს, "სევილიას" წინააღმდეგ.