გიუნდოგანი: "ბარსელონა" ერთ-ერთი ყველაზე რთული მეტოქეა"

"მანჩესტერ სიტისა" და "ბარსელონას" შორის გამართული შეხვედრის (3:1) გმირი ილქაი გიუნდოგანი მატჩის შესახებ კომენტარს აკეთებს და აცხადებს, რომ მისმა გუნდმა 3 ქულის აღება დაიმსახურა.

"გარშემო იმდენი გაღიმებული სახეა. ჩვენ დავიმსახურეთ, რომ მოგებით სიამოვნება მივიღოთ. ეს ძალიან სასიამოვნო საღამო იყო და ჩვენ 3 ქულა დავიმსახურეთ.

"ბარსელონა" ერთ-ერთი ყველაზე რთული მეტოქეა, რომელსაც მოედანზე შეხვდები. თუმცა, ჯგუფში შექმნილი სიტუაციის გათვალისწინებით, ეს მოგება გვჭირდებოდა.

ზეწოლას განვიცდიდით. ეს მატჩი იოლი არ ყოფილა, განსაკუთრებით პირველი ტაიმი. თუმცა, შესვენების შემდეგ შთამბეჭდავად ვითამაშეთ."