ტერ შტეგენი: "ჩვენ მანქანები არ ვართ"
კატალონიის "ბარსელონას" გერმანელმა მეკარემ, მარკ-ანდრე ტერ შტეგენმა RAC1-თან ინტერვიუში "მანჩესტერ სიტისთან" დამარცხებაზე, "სევილიასთან" მატჩზე და კლუბში არსებულ მდგომარეობაზე ისაუბრა.
"ეს მარცხი მალე უნდა დავივიწყოთ და მთლიანად კვირას გასამართ მატჩზე გადავერთოთ. "სევილიასთან" თამაში ყოველთვის რთულია და ჩვენი შესაძლებლობების მაქსიმალურად გამოვლენა მოგვიწევს."
გერმანელმა გოლკიპერმა ჩემპიონთა ლიგაზე განცდილ მარცხზეც ისაუბრა: "პირველ ტაიმში კარგად ვითამაშეთ, თუმცა ასეც ხდება ხოლმე. ჩვენ ბურთის კონტროლი, მომენტების შექმნა და გატანა გვსურდა, რაც ნაწილობრივ მოვახერხეთ, თუმცა უფრო მეტი გვინდოდა და მეტოქემ კონტრშეტევები ძალიან კარგად გამოიყენა. ჩვენ მანქანები არ ვართ, ზოგჯერ ვცდებით, ვაგებთ, მაგრამ მალევე უნდა წამოვდგეთ ფეხზე, და ეს სწორედ ისაა, რასაც ყოველი ჩვენგანი ყოველთვის ცდილობს."
ფეხბურთელმა ასევე დაამატა: "კლუბში დარჩენა ყოველთვის მინდოდა. "ბარსელონა" ჩემი მიზანი იყო და ჩემი გადაწყვეტილებით კმაყოფილი ვარ."
შტეგენმა თავის სათამაშო სტილზეც გაამახვილა ყურადღება: "დიდი ხნის წინ ვისწავლე, როგორ უნდა მეთამაშა კარგად მარცხენა ფეხით. მინდა, რომ ორივეთი თამაში შემეძლოს. ვგრძნობ, რომ ჩემი უნარები ყოველდღე უმჯობესდება."
ამ სიახლეზე კომენტარები გათიშულია.
კომენტარები [ 10 ]