Marca: მესიმ "ბარსელონას" უთხრა, რომ კონტრაქტის გაგრძელებას არ აპირებს
მადრიდული Marca-ს მიერ გავრცელებული ინფორმაციის თანახმად, ლიონელ მესიმ "ბარსელონას" პრეზიდენტს, ხოსეპ მარია ბართომეუს დიდი ხნის წინ აცნობა, რომ ის კატალონიურ კლუბთან კონტრაქტის გახანგრძლივებას არ აპირებს და მას შემდეგ არც არაფერი შეცვლილა.
ესპანელი ჟურნალისტების ცნობით, მესიმ ამ საკითხზე ფიქრი ჯერ კიდევ ივლისში, შვებულების დროს დაიწყო. საბოლოოდ, არგენტინელმა გადაწყვიტა, რომ "ბარსელონასთან" ახალი კონტრაქტი არ გააფორმოს. მან ეს ინფორმაცია, თავდაპირველად, მამას და კიდევ ერთ პიროვნებას უთხრა, რომლის ვინაობაც არ ხმაურდება. მოგვიანებით, მესიმ თავისი გადაწყვეტილება ბართომეუსაც გაანდო, რომელმაც ფეხბურთელს კარგად დაფიქრება თხოვა. მას შემდეგ, მხარეებს შორის ოფიციალური კონტაქტი აღარ ყოფილა.
წყაროს ცნობით, მესი არა მხოლოდ კონტრაქტის ვადის შემდეგ წასვლის ვარიანტს განიხილავს, ასევე არ გამორიცხავს, კლუბი 2018 წლის ზაფხულამდეც დატოვოს. შეგახსენებთ, რომ მისი გამოსასყიდი თანხა 250 მილიონი ევროა.
ამ სიახლეზე კომენტარები გათიშულია.
კომენტარები [ 8 ]