მესი დი სტეფანოს გაუთანაბრდა

ჩემპიონთა ლიგის ჯგუფური ეტაპის მე-5 ტურში, კატალონიის "ბარსელონას" არგენტინელმა ფორვარდმა, ლიონელ მესიმ "სელტიკის" კარში დუბლი გაიფორმა (2:0).

გლაზგოში გატანილი გოლების წყალობით, მესი მთავარ ევროპულ ტურნირზე საშუალო შედეგიანობის მაჩვენებლით მადრიდის "რეალის" ლეგენდას, ალფრედო დი სტეფანოს გაუთანაბრდა.

მსოფლიო ფეხბურთის ცოცხალი ლეგენდა "ბარსელონაში" 2003 წლიდან გამოდის. მესიმ მას მერე ჩემპიონთა ლიგაზე 92 გოლის გატანა შეძლო.

საშუალოდ, ლიონელ მესის მატჩში 0.84 გოლი გააქვს, ისევე, როგორც დი სტეფანოს. საუკეთესო სამეულში რუდ ვან ნისტელროიც შედის (0.77).