უმტიტი გამოჯანმრთელდა და "რეალთან" თამაშს შეძლებს

კატალონიის "ბარსელონას" ახალგაზრდა ფრანგმა მცველმა, სამუელ უმტიტიმ დაზიანება მოიშუშა და საერთო ჯგუფთან ერთად მომზადება დაიწყო, იტყობინება Mundo Deportivo.

ფეხბურთელი 3 დეკემბერს, მადრიდის "რეალის" წინააღმდეგ გასამართ მატჩში მონაწილეობის მიღებას შეძლებს.

კატალონიური კლუბის მთავარ მწვრთნელს, ლუის ენრიკეს სამუელ უმტიტის შემოწმება ესპანეთის სამეფო თასის შეხვედრაში სურს, რომელიც 30 ნოემბერს, "ერკულესის" წინააღმდეგ გაიმართება.